ԵՀՀ ԿԱՐԻԵՐԱՅԻ ԿԵՆՏՐՈՆ
Համալսարանն իր շրջանավարտների տվյալների ուսումնասիրությունը սկսել է իրականացնել դեռևս 1996 թվականից: Աշխատաշուկայում ԵՀՀ ուսանողների և շրջանավարտների մրցունակության բարձրացման, ուսումնառության ընթացքում սովորողների մասնագիտական պրակտիկ կարողությունների զարգացման, շրջանավարտների և համալսարանի միջև մշտական կապի ամրապնդման և գործատուների կարիքների ուսումնասիրության նպատակով 2006թ-ից ԵՀՀ-ում գործում է «Կարիերայի կենտրոնը»: Կենտրոնի հիմնական նպատակն է հավաքագրել շրջանավարտների հետագա կարիերայի մասին տեղեկատվություն և նպաստել ԵՀՀ ուսանողների և շրջանավարտների շրջանում աշխատաշուկայի ազատ աշխատատեղերի մասին տեղեկատվության հասանելիությանը՝ ամրապնդելով Համալսարանի և շրջանավարտների միջև մշտական կապը։
Կենտրոնի հիմնական խնդիրներն են՝
- Ուսումնասիրել աշխատաշուկան և այն պահանջները, որոնք գործատուն դնում է աշխատուժի առջև,
- համագործակցել ներբուհական բոլոր կառույցների հետ և նպաստել երկկողմ տեղեկատվության փոխանակմանը ժամանակի և շուկայի պահանջներին համապատասխան, կայուն գիտելիքներ ունեցող կադրեր պատրաստելու նպատակով,
- համագործակցել ՀՀ-ում գործող կազմակերպությունների հետ, կազմակերպել փոխադարձ այցելություններ,
- նպաստել կենտրոնի և ձեռնարկությունների միջև տեղեկատվության փոխանակմանը,
- կազմակերպել ուսանողների կամավոր մասնակցությունը ձեռնարկությունների աշխատանքում, ինչի արդյունքում ուսանողները կատարելով տարբեր հետազոտություններ` ձեռք են բերում փորձ և պրակտիկ հմտություններ,
- ընդունել աշխատանքի պահանջարկ ունեցող շրջանավարտների դիմումները և օգնել համալրել համապատասխան ազատ աշխատատեղերը,
Կենտրոնի տվյալների բազայում հավաքագրվում են շրջանավարտների և աշխատանք փնտրող ուսանողների տվյալները, որից հետո ազատ աշխատատեղերի և մասնագիտական վերապատրաստումների մասին տեղեկությունը պարբերաբար փոխանցվում է նրանց: Կենտրոնում ամեն տարի թարմացվում են շրջանավարտների մասնագիտական կարիերայի մասին տեղեկությունները: Համալսարանի համար շրջանավարտները նաև լավագույն գործատուներն են հանդիսանում: Նրանց
հետ համագործակցության արդյունքում կենտրոնն իրականացնում է իր գլխավոր խնդիրներից մեկը՝ ուսումնասիրում է գործատուների կողմից աշխատուժին ներկայացվող պահանջներն ու կրթական ծրագրերում փոփոխությունների իրականացման համար հիմքեր ներկայացնում:
ՀՀ Աշխատանքի և Սաոցիալական Հարցերի Նախարարության, Զբաղվածության Պետական Կոմիտեի և նրա առանձին ստորաբաժանումների, հետ կենտրոնի համագործակցության շնորհիվ շրջանավարտներն ու ուսանողները տեղեկանում են զբաղվածության ոլորտում իրականացվող պետական ծրագրերին, հնարավորություն են ունենում մասնակցել դրանց, ինչպես նաև ընդունվել աշխատանքի պետական ու
մասնավոր ձեռնարկություններում:
2023 թվականին կենտրոնին կից բացվել է «Ձեռներեցության և նորարարության կենտրոնը», որի աշխատանքներն ուղղվելու են ուսանողների և շրջանավարտների ձեռնարկատիրական կարողությունների զարգացմանն ու նորարարական նախագծերի մշակմանը։
Անձնակազմ
