Ամրապնդում ենք ակադեմիական արժեքները
26.03.2024
Վիրտուալ փոխանակումների հեռանկարը
06.03.2024
2024 թ․ մարտի 6-ին ԵՀՀ արտաքին կապերի պատասխանատու Լ․ Հակոբյանը, Զարգացման և կրթության որակի ապահովման գծով պրոռեկտոր Հ․ Կաժոյանը և ԶԿՈԱ համակարգող Մ․ Հովհաննիսյանը
մասնակցեցին «Վիրտուալ փոխանակումներ ուսանողների և երիտասարդների համար» գործողության վերաբերյալ տեղեկատվական վեբինարին։ Իտալիայից հրավիրված վիրտուալ փոխանակումների փորձագետ Սառա Պիտտարելլոն ներկայացրեց վիրտուալ փոխանակումների տարատեսակները և պատասխանեց մասնակիցների հարցերին ունեցավ: Սահիկաշարեր ներկայացրեցին նաև տեղական բուհերի ներկայացուցիչներ։ Հանդիպումը կազմակերպել էր Էրազմուս+ հայաստանյան գրասենյակը։ Հանդիպման ավարտին ԶԿՈԱ թիմը կապ հաստատեց Սառա Պիտտարելլոյի հետ, որը խոստացավ աջակցել ԵՀՀ թիմին՝ Իտալիայի առաջատար համալսարանից մեկի հետ ինստիտուցիոնալ բենչմարկինգ իրականացնելու գործում։
Շուտով կկայանա ԵՀՀ ակադեմիական խորհրդի անդրանիկ նիստը
06.03.2024
2024 թ․ մարտի 6-ին ԵՀՀ զարգացման և կրթության որակի ապահովման կենտրոնը (ԶԿՈԱԿ) կազմակերպել էր հանդիպում՝ քննարկելու ակադեմիական խորհրդի մեկնարկը։ ԶԿՈԱ պատասխանատու Մ․ Հովհաննիսյանը քննարկեց մասնակցային որոշումների կայացման և ներկայացուցչականության սկզբունքները։ Մասնակիցները որոշեցին ավարտել սենատի կարգի մշակումը և առաջիկայում գումարել սենատի առաջին նիստը։
Որակի ապահովման եվրոպական շրջանակի հեռանկարները
05.03.2024
Ս․ թ․ մարտի 5-ին ԵՀՀ զարգացման և կրթության որակի ապահովման պրոռեկտոր Հ. Կաժոյանը և ԶԿՈԱ պատասխանատու Մ․ Հովհաննիսյանը մասնակցեցին «Դեպի Տիրանա 2024, Բոլոնյան գործընթացը և
զարգացումները Եվրոպական բարձրագույն կրթական տարածքում» Եվրոպական համալսարանների ասոցիացիայի վեբինարների սերիայի «Ո՞րն է հաջորդը Որակի ապահովման եվրոպական շրջանակի համար»
վեբինարին։ Բանախոսները նշեցին, որ եվրոպական ստանդարտները վերանայման փուլում են․ հնարավոր է որոշ ստանդարտներ ավելանան կամ միավորվեն։ Կան ստանդարտներ, որոնք ընդգրկված չեն և թեև
իրականացվում են ինքնաբերաբար, արժանի են հատուկ ուշադրության։ Որակի ապահովման եվրոպական ասոցիացիայի նախագահ Աննա Գովերը նշեց, որ ստանդարտների ձևակերպումը պետք է չպարունակի այնպիսի մանրամասներ, որոնք խանգարելով դրանց ճկունությանը կարող են խանգարել որոշումների կայացմանը։ Ուսանողության տեսակետը ներկայացրեց Եվրոպական ուսանողների միության նախագահ Հորիա Օնիթան։ Հանդիպումը վարեց ԵՀԱ ինստիտուցիոնալ զարգացման տնօրեն Մարիա Քելոն։
Գիտելիքների ստուգումից՝ դեպի մասնագիտական զարգացման մշակույթ
01.03.2024
Ս․ թ․ մարտի 1-ին ԵՀՀ ԶԿՈԱ թիմը կազմակերպեց հանդիպում, որի ընթացքում քննարկվեցին HAKA-ի խորհուրդների շրջանակում հոգեբանության ուսման ծրագրերի բարելավման հեռանկարները, քոլեջի հավատարմագրումը և ԵՀՀ գնահատման քաղաքականությունը։ Ուսումնամեթոդական բաժնի ղեկավար Ա․ Մարտիրոսյանն ասաց, որ նախատեսում է այն ներկայացնել առաջիկա հանդիպումների ընթացքում։ Զարգացման և կրթության որակի ապահովման գծով պրոռեկտոր Հ․ Կաժոյանն ասաց, որ համալսարանն անցնում է գիտելիքների ստուգումից՝ դեպի հետադարձ կապի և անհատական ու մասնագիտական զարգացման մշակույթ, երբ ընդունելի կլինեն, օրինակ, այն մոտեցումները, որոնք սովորողին թույլ են տալիս ընտրել գնահատման ձևը։ Որոշվեց գնահատման քաղաքականությունը քննարկել ակադեմիական խորհրդի նիստերում։
ԵՀՀ-ն հիմնադրում է ակադեմիական խորհուրդ
28.02.2024
Ս․ թ․ փետրվարի 28-ին ԵՀՀ ԶԿՈԱ թիմը կազմակերպեց հանդիպում, որի ընթացքում քննարկվեցին աշխատանքային խմբերի գործունեությունը։ Խմբերի ներկայացուցիչները թվարկեցին փետրվարին կատարված աշխատանքները։ Մ․ Հովհաննիսյանը մասնակիցներին ծանոթացրին Ն․ Մելիքյանի հետ և ասացին, որ այսուհետ հոգեբանության ուսման ծրագրերի աշխատանքային խմբերին պետք է ներգրավվեն նոր աշխատողները՝ Ն․ Մելիքյանը և Ա․ Հայկազունին։ Հանդիպման երկրորդ մասում Մ․ Հովհաննիսյանը ներկայացրեց ակադեմիական խորհրդի սկզբունքները և դրա ներդրման մշակույթի կարևորությունը։ Նա անդրադարձավ մասնակցայնությանը, ներկայացուցչականության սկզբունքներին և միասին քննարկելու, որոշումներ կայացնելու և գործի հանդեպ սեփականատիրոջ զգացման հարցերին։ Որոշվեց մշակել
ակադեմիական խորհրդի կանոնակարգը։
Ուսանողն ուսումնառության կենտրոնում է
13.02.2024
2024 թ․ փետրվարի 13-ին Եվրոպական համալսարանների միությունը կազմակերպել էր վեբինար «Ուսանողակենտրոն ուսումնառություն․ Բոլոնյան համակարգի հեռանկարները» թեմայով՝ «Դեպի Տիրանա 2024, Բոլոնյան գործընթացը և զարգացումները Եվրոպական բարձրագույն կրթական տարածքում» ԵՀԱ վեբինարների սերիայի շրջանակներում։ Վեբինարի ընթացքում բանախոսներն ուսանողակենտրոն մոտեցման ապահովման համար կարևորեցին նախագծի, պրոբլեմի և մարտահրավերի վրա հիմնված ուսումնառությունը։ Ուսանողները պետք է մասնակցեն որոշումների կայացմանը և հնարավորություն ունենան առաջարկելու գնահատման այն ձևերը, որոնք առավելագույնս կբացահայտեն իրենց ուսումնառության վերջնարդյունքների ձեռքբերումը։ Գնահատումը պետք է լինի ներառական: Երևանի «Հայբուսակ» համալսարանից վեբինարին մասնակցեցին զարգացման և կրթության որակի ապահովման գծով պրոռեկտոր Հ․ Կաժոյանը և ԶԿՈԱ համակարգող Մ․ Հովհաննիսյանը։
Ինստիտուցիոնալ բենչմարքինգի գործընկերության մեկնարկ
24.01.2024
Հունվարի 24-ին Հ․ Կաժոյանն ու Մ․ Հովհաննիսյանը քննարկեցին Հռոմի Ջոն Կաբոտի համալսարանի փոխնախագահ Մերի Մեռվայի հետ հոգեբանության կրթական ծրագրի ինստիտուցիոնալ բենչմարքինգը։ Մեկ ժամյա հանդիպման ընթացքում, պրոֆ․ Մեռվան բացատրեց իր համալսարանի մոտեցումները, տրամադրեց աշխատանքային փաստաթղթեր և պատրաստակամություն հայտնեց համագործակցելու ԵՀՀ ԿԾ թիմի հետ։ Հունվարի 25-ին Հ․ Կաժոյանն ու Մ․ Հովհաննիսյանը հանդիպեցին Տերամոյի համալսարանի համեմատական իրավունքի և միջազգային բիզնես իրավունքի պրոֆեսոր Ինասիո Կաստելուչիին, որն առաջարկեց կրթական ծրագրերի ինստիտուցիոնալ բենչմարքինգի նպատակով երկու բուհերում ստեղծել աշխատանքային խմբեր, շարժունության հնարավորություն տալ հայ դասավանդողները և ուսանողներին՝ հատկապես ասպիրանտներին, որ նրանք բարելավեն ԵՀՀ իրավագիտության մագիստրոսի կրթական ծրագիրն՝ ըստ եվրոպական չափանիշների։
GLAD (Կառավարում, ուսումնառություն, գործողություն, երկխոսություն) առցանց հանդիպում «Միջին մասնագիտական գերազանցություն. ինչպե՞ս այն դարձնել համակարգային» թեմայով
23.01.2024
Ս․թ․ հունվարի 23-ին Երևանի «Հայբուսակ» համալսարանի քոլեջի տնօրենի ուսումնական գծով տեղակալ Ք․ Կոսյանը, զարգացման և կրթության որակի ապահովման պատասխանատու Ի․ Պորկշեյանը և ԵՀՀ զարգացման և
կրթության որակի ապահովման պատասխանատու Մ․ Հովհաննիսյանը մասնակցեցին Եվրոպական վերապատրաստումների հիմնադրամի (ETF) «Միջին մասնագիտական գերազանցություն. ինչպե՞ս այն դարձնել համակարգային» թեմայով առցանց սեմինարին: Հանդիպմանն իրենց երկրների փորձով կիսվեցին մոլդավացի և ֆինն բանախոսներ։ Մոլդովայի կրթության և հետազոտության միջին մասնագիտական կրթության և վերապատրաստումների բաժնի ղեկավար Սիլվիու Գինցուն
նշեց, որ իր երկրում հիմնականում իրականացվում է աշկերտություն և ստեղծել է վերապատրաստումներով զբաղվող գերազանցության կենտրոն։ Նա հավելեց, որ Առևտրի պալատի անդամները միշտ հանդիպումներ են ունենում քոլեջների ներկայացուցիչների հետ՝ ուսանողների և շրջանավարտների զբաղվածությունը քննարկելու համար։ Ֆինլանդիայի «Օմինա» կրթական համագործակցության միջին մասնագիտական որակավորումների ղեկավար Մերվի Ջանսոնը ասաց, որ Ֆինլանդիայում մեծ ուշադրություն է դարձվում ուսանողների և շրջանավարտների
աշխատանքում իրացվելուն և կարիերայի տվյալներին հետամուտ լինելուն։ Նա նշեց, որ իր երկրում լայն տարածում ունի աշխատանքի վրա հիմնված ուսումնառությունը։
Հանդիպմնան վարողը մասնակիցներին հիշեցրեց, որ հաջորդ GLAD հանդիպումը տեղի կունենա փետրվարի 8- ին։
Հայկական և սերբական ՄԿՈւ-ների հանդիպում
20.12.2023
2023 թվականի դեկտեմբերի 20-ին Հայաստանի և Սերբիայի Էրազմուս+ գրասենյակները կազմակերպել էին հանդիպում հայկական և սերբական ՄԿՈւ-ների միջև, որի 80-ից ավել մասնակիցների թվում էին «Հայբուսակ» համալսարանի ուսումնամեթոդական բաժնի ղեկավար Ա․ Մարտիրոսյանը, Զարգացման և կրթության որակի ապահովման գծով պրոռեկտոր Հ․ Կաժոյանը, ԵՀՀ քոլեջի ԶԿՈԱ պատասխանատու Ի․ Պորկշեյանը և ԶԿՈԱ պատասխանատու Մ․ Հովհաննիսյանը։ Գրասենյակների համակարգողների ողջույնի և ներածական խոսքից հետո տեղական և սերբական քոլեջների ներկայացուցիչները քննարկեցին երկու երկրներում ոլորտի առանձնահատկությունները, միջազգայնացման ուղղությամբ կատարված աշխատանքները և նրանց հնարավոր համագործակցությունը Էրազմուս+ «Կարողությունների զարգացում ՄԿՈւ ոլորտում» գործողության շրջանակում։
ԶԿՈԱ տարեվերջյան ամփոփիչ հանդիպում
21.12.23
2023 թվականի դեկտեմբերի 21-ին Զարգացման և կրթության որակի ապահովման կենտրոնը (ԶԿՈԱԿ) կազմակերպեց տարեվերջյան ամփոփիչ հանդիպում՝ ԵՀՀ ինստիտուցիոնալ հավատարմագրման շրջանակում կազմված գործողությունների պլանի շրջանակում կատարված աշխատանքները և հաշվետվությունները քննարկելու համար։ Մասնակիցները քննարկեցին իրենց հաշվետվությունները և բենչմարքինգի իրականացման ընթացքը և պլանավորված այլ անելիքները։ Որոշվեց ամսական հաշվետվություններ պատրաստել փորձագետների խորհուրդների կատարողականի վերաբերյալ։ ԶԿՈԱԿ-ը նման հանդիպումներ կկազմակերպի յուրաքանչյուր ամսվա վերջին շաբաթվա ընթացքում։
GLAD (Կառավարում, ուսումնառություն, գործողություն, երկխոսություն) հանդիպում․ Շահակիցների դերը միջին մասնագիտական որակավորումների զարգացման և կառավարման մեջ․ ի՞նչն է աշխատում և ինչը ոչ քաղաքացիական հասարակության և սոցիալական գործընկերների համար
30.11.23
Նոյեմբերի 30-ին Երևանի «Հայբուսակ» համալսարանի Զարգացման և կրթության որակի ապահովման գծով պրոռեկտոր Հ․ Կաժոյանը և ԶԿՈԱ պատասխանատու Մ․ Հովհաննիսյանը մասնակցեցին առցանց սեմինարի՝ «Շահակիցների դերը միջին մասնագիտական որակավորումների զարգացման և կառավարման մեջ․ ի՞նչն է աշխատում և ինչը` ոչ քաղաքացիական հասարակության և սոցիալական գործընկերների համար», որը կազմակերպել էր Եվրոպական վերապատրաստումների հիմնադրամը (ETF GLAD)։ Լեհաստանի «Միջին մասնագիտական իրավասությունների վկայական» հիմնադրամի ներկայացուցիչներ Էդիթա Միգալկան և Մարեկ Մարչակը ներկայացրին լեհական հիմնադրամի գործունեությունը՝ մասնավորապես միջին մասնագիտական կրթություն իրականացնող հաստատություններին և անհատ շրջանավարտներին ավարտական իրենց կողմից ավարտական վկայական շնորհելու մասին:
ՄԱՍՆԱԿՑՈւԹՅՈւՆ ՈՐԱԿԻ ԱՊԱՀՈՎՄԱՆ ԵՎՐՈՊԱԿԱՆ ՖՈՐՈւՄԻՆ ԱՎԵՅՐՈւԻ ՀԱՄԱԼՍԱՐԱՆՈՒՄ
23.11.23 - 25.11.2023
Նոյեմբերի 23-25-ին ԵՀՀ Զարգացման և կրթության որակի ապահովման գծով պրոռեկտոր Հ․ Կաժոյանը և ԶԿՈԱ պատասխանատու Մ․ Հովհաննիսյանը պորտուգալական Ավեյրու քաղաքում մասնակցեցին Եվրոպական համալսարանների ասոցիացիայի, Բարձրագույն կրթության որակի ապահովման եվրոպական ասոցիացիայի, Բարձրագույն կրթության հաստատությունների եվրոպական ասոցիացիայի և Ուսանողների եվրոպական միության կազմակերպած Որակի ապահովման եվրոպական ֆորումին՝ Միջազգայնացումը փոփոխվող աշխարհում. նոր միտումներ և մարտահրավերներ որակի ապահովման համար։Ֆորումի շրջանակում կայացան բազմաթիվ արդյունավետ նիստեր, պանելային քննարկումներ, գործնական և հետազոտական ցուցադրումներ, աշխատարաններ և հանդիպումներ առաջատար փորձագետների հետ։ Ֆորումի նիստերը հիմնականում նվիրված էին միջազգայնացման որակի ապահովմանը Եվրոպական բարձրագույն կրթական տարածքում և դրանից դուրս։ Քննարկվեցին այնպիսի հարցեր, ինչպիսիք են որակի ապահովումը կարճատև դասընթացների, վիրտուալ շարժունության համատեքստում, որակի միջազգային ասոցիացիաների գործունեությունը, համատեղ դիպլոմների ծրագրեր, որակի ապահովման դերը Եվրոպայից դուրս, ակադեմիական ազնվությունը, միջազգային համագործակցության միջոցով որակի ապահովման կարողությունների զարգացումը, եվրոպական որակի ապահովման ապագան և այլն:
Գրագողության դեմ պայքարի StrikePlagiarism ծրագրի քննարկում
14.09.2023
Գրագողության դեմ պայքարի StrikePlagiarism ծրագրի քննարկում
Սեպտեմբերի 14-ին ԵՀՀ թիմին տեսակապով միացավ գրագողության դեմ պայքարի StrikePlagiarism
ծրագրի ներկայացուցիչ՝ Յ. Կալչունը, որը ներկայացրեց, թե ինչպես է ծրագիրը հայտնաբերում արհեստական
բանականության օգնությամբ գրված տեքստերը։ Նա էկրանին կիսեց հայերեն մի աշխատանք, որտեղ ծրագիրը
հայտնաբերել էր համացանցից թարգմանաբար օգտագործված նյութեր՝ առանց հղման՝ այդ թվում նաև արհեստական
բանականության օգնությամբ։ Նա նշեց, որ իրենք շարունակաբար բարելավում են իրենց ծրագրի որակը և
ավելացրեց, որ կազմակերպությունը համալսարանին իր ծառայությունն առաջարկել է հինգ անգամ ավելի էժան՝
ընդամենը համակարգի սպասարկման գնով։ Հ․ Կաժոյանը շնորհակալություն հայտնեց և ասաց, որ համալսարանը
կդիտարկի կազմակերպության առաջարկը։
Որոշվեց շուտով նորից հանդիպել՝ քննարկելու աշխատանքային պլանները։
Քննարկում ենք ԵՀՀ 2023/24 ուստարվա գործառնական պլանը
20.07 25.07.2023
Քննարկում ենք ԵՀՀ 2023/24 ուստարվա գործառնական պլանը
Հուլիսի 20-ին և 25-ին ԵՀՀ Զարգացման և կրթության որակի ապահովման կենտրոնը նախաձեռնել էր քննարկումներ 2023/24 ուստարվա գործառնական պլանի նոր կառուցվածքի շուրջ: Որոշվեց համապատասխան աղյուսակներում այս տարի ներառել նաև HAKA-ի խորհուրդների հիման վրա կազմված գործողությունների պլանի հիմնական կետերը, հստակեցնել ամսաթվերը և հատուկ ուշադրություն դարձնել ԵՀՀ ռազմավարության SWOT/TOWS վերլուծությանը, որը դիտարկվելու է որպես ռազմավարության հավելված։
Աշխատանքային պլանի քննարկում
12.07 17.07.2023
Աշխատանքային պլանի քննարկում
Հուլիսի 6-ին ԵՀՀ ռեկտոր Ս․ Հարությունյանի նախաձեռնությամբ Զարգացման և Կրթության որակի ապահովման կենտրոնը կազմակերպեց հանդիպում՝ ԵՀՀ ինստիտուցիոնալ հավատարմագրման զեկույցի հիման վրա կազմված գործողությունների պլանը վերջնականացնելու և աշխատանքային խմբեր կազմելու համար։ Մասնակիցները քննարկեցին պլանի նախնական տարբերակը և որոշեցին շարունակել ավելացնել իրենց անունները «աշխատանքային խումբ» սյունակում։ Որոշվեց աշխատանքը շարունակել փոքր խմբերով։
Աշխատանքային պլանի քննարկում
03.07.2023
Աշխատանքային պլանի քննարկում
Հուլիսի 3-ին ԵՀՀ ռեկտոր Ս․ Հարությունյանի նախաձեռնությամբ Զարգացման և Կրթության որակի ապահովման կենտրոնը կազմակերպեց հանդիպում՝ ԵՀՀ ինստիտուցիոնալ հավատարմագրման շրջանակում HAKA-ի նախնական զեկույցի հիման վրա կազմված գործողությունների պլանը քննարկելու համար։ Վարչական և դասավանդող կազմի անդամներն ու ուսանողները քննարկեցին պլանի նախնական տարբերակը և որոշեցին, որ յուրաքանչյուր մասնակից ավելացնի իր անունը «աշխատանքային խումբ» սյունակի համապատասխան դաշտում։ Դա կօգնի պլանի իրականացման համար աշխատանքային խմբերի ձևավորմանը, որոնց ձևավորումը քննարկելու համար որոշվեց հանդիպել հուլիսի 6-ին։
ԵՀՀ որակի ապահովման գործիքով տարեկան ինքնագնահատում Մարդկային ռեսուրսների բաժնում
12.06.2023
ԵՀՀ որակի ապահովման գործիքով տարեկան ինքնագնահատում Մարդկային ռեսուրսների բաժնում
Հունիսի 12-ին տեղի ունեցավ կրթության որակի գնահատման քննարկում, որին մասնակցեցին Մարդկային ռեսուրսների բաժնի ղեկավար Մ․ Ղազարյանը, Զարգացման և վերապատրաստումների համակարգող Ե․ Կաժոյանը, վերապատրաստող դասավանդողներ Հ․ Եփրեմյանը և Ա․ Շամյարը, ինչպես նաև Զարգացման և կրթության որակի ապահովման պրոռեկտոր Հ․ Կաժոյանը, համալսարանի զարգացման և որակի ապահովման համակարգող Մ. Հովհաննիսյանը։
Մասնակիցները քննարկեցին և ամփոփեցին իրենց անհատական գնահատականներն՝ ըստ չափորոշիչների ու առաջարկեցին բարելավման բազմաթիվ գործողություններ, օրինակ.
- սիմուլյացիոն կենտրոնն ավելի արդյունավետ օգտագործելու համար դասավանդողների և ուսանողների վերապատրաստում
- օբյեկտիվ կառուցվածքային կլինիկական քննությունը (OSCE) նախապատրաստում
- համալսարանի ռազմավարական նպատակների, կրթական ծրագրերի և կրեդիտների փոխանցման և կուտակման եվրոպական համակարգի (ECTS) և նախնական ուսուցման և աշխատանքային փորձի ճանաչման համակարգ (APEL) համակարգի մասին վերապատրաստում
- ՄԿԾ-ների մշտադիտարկում և քննարկում խմբի ավագների հետ
- ուսանողների հարցման անցկացում դասավանդման արդյունավետության մասին
- մասնագիտական կողմնորոշման զրույցների վարում
- ավելի շատ միջազգային հանդիպումներ և կապերի ստեղծում դասավանդող կազմի մասնագիտական զարգացման համար
- ուսանողների աջակցության բաժնի ստեղծում
- պայմանագրեր պոլիկլինիկաների, ՀԿ-ների, կամ այլ կազմակերպությունների հետ, օրինակ՝ համալսարանի կլինիկաներում բուժման կամ տնային խնամքի ծառայություններ, որոնք մատուցվում են ԵՀՀ ուսանողների կողմից՝ դասավանդող կազմի հսկողության ներքո:
Ինքնագնահատման տարեկան կենսափուլի նպատակն է բացահայտել ուժեղ և թույլ կողմերը և իրականացնել բարեփոխումներ։
HAKA-ի նախնական զեկույցի քննարկում
06-15.06.2023
HAKA-ի նախնական զեկույցի քննարկում
Հունիսի 6-15-ը ԵՀՀ ռեկտոր Ս․ Հարությունյանի նախաձեռնությամբ` Զարգացման և Կրթության որակի ապահովման կենտրոնը կազմակերպեց մի շարք հանդիպումներ՝ ԵՀՀ հավատարմագրման շրջանակում HAKA-ի նախնական զեկույցի և հետագա քայլերի վերաբերյալ։ Հանդիպմանը մասնակցեցին ԵՀՀ պրոռեկտորներ, ստորաբաժանումների տնօրեններ, դասավանդողներ, ուսանողներ և վարչական կազմի ներկայացուցիչներ։
Մասնակիցները քննարկեցին փորձագետների առաջարկությունները և որոշեցին կազմել ԵՀՀ զարգացմանը և կրթության որակի բարելավմանն ուղղված գործողությունների պլան։
Մասնակցություն «Նորարարություն և կրթություն-լիբերալ ֆորում Հայաստան» միջոցառմանը
07.06.2023
Մասնակցություն «Նորարարություն և կրթություն-լիբերալ ֆորում Հայաստան» միջոցառմանը
Հունիսի 7-ին Երևանի պետական համալսարանը հյուրընկալ էր «Նորարարություն և կրթություն-լիբերալ ֆորում Հայաստան» միջոցառումը, որին մասնակցեցին ԵՀՀ Զարգացման և կրթության որակի ապահովման պրոռեկտոր Հ․ Կաժոյանը, ԶԿՈԱ համակարգող Մ․ Հովհաննիսյանը, ԵՀՀ քոլեջի զարգացման և որակի պատասխանատու Ի․ Պորկշեյանը, Հետազոտությունների ռեսուրս կենտրոնի ղեկավար Մ․ Մաթոսյանը և արտաքին կապերի պատասխանատու Լ․ Հակոբյանը Միջոցառումը կազմակերպվել էր Ֆրիդրիխ Նաումանի «Հանուն ազատության» հիմնադրամի հովանավորությամբ։
ԵՀՀ որակի ապահովման գործիքով տարեկան ինքնագնահատում Բժշկական ինստիտուտում
23.05.2023
ԵՀՀ որակի ապահովման գործիքով տարեկան ինքնագնահատում Բժշկական ինստիտուտում
Մայիսի 23-ին տեղի ունեցավ կրթության որակի գնահատման քննարկում, որին մասնակցեցին Բժշկական ինստիտուտի օտարերկրյա ուսանողների գծով տնօրենի տեղակալ Ն․ Մարտիրոսյանը, ինստիտուտի դասավանդողներ, ուսանողներ, պրոռեկտոր Հ․ Կաժոյանը, համալսարանի զարգացման և որակի ապահովման համակարգող Մ. Հովհաննիսյանը ու մշտադիտարկման և գնահատման պատասխանատու ուսանողուհի Ե․ Հովհաննիսյանը։ Մասնակիցները քննարկեցին և ամփոփեցին իրենց նախօրոք տրված անհատական գնահատականներն՝ ըստ չափորոշիչների։ Նրանք առաջարկեցին ավելի ինտենսիվ կերպով ներգրավել արտաքին շահակիցներին և մասնագետներին, օրինակ՝ երիտասարդ բժիշկներին, գրադարանը համալրել նոր գրականությամբ, ուսուցանման ընթացքում կիրառել խաղային տարրեր, կազմակերպել ընդունելություն նախապատրաստական կուրս, դասավանդողների համար մասնագիտական և մանկավարժական վերապատրաստման պայմաններ ստեղծել, ամրացնել կապը շրջանավարտների հետ, ընդլայնել ԲՈւՀ-ի հասարակական ծառայությունները և այլն։
Քննարկվեցին նաև համալսարանի կրթական ծրագրերի որակի ապահովման, ակադեմիական վարվելակերպի զարգացման և այլ գործընթացներում ժամավճարով դասավանդողների և արտաքին շահակիցների ներգրավումը, մոտիվացիան և իրենց աշխատանքի արժևորումը։
Ինքնագնահատման տարեկան կենսափուլի նպատակն է բացահայտել ուժեղ և թույլ կողմերը և իրականացնել բարեփոխումներ։
ԵՀՀ որակի ապահովման գործիքով տարեկան ինքնագնահատում Տնտեսագիտության, կառավարման և ինֆորմատիկայի ինստիտուտում
17.05.2023
ԵՀՀ որակի ապահովման գործիքով տարեկան ինքնագնահատում Տնտեսագիտության, կառավարման և ինֆորմատիկայի ինստիտուտում
Մայիսի 17-ին տեղի ունեցավ կրթության որակի գնահատման քննարկում, որին մասնակցեցին Տնտեսագիտության, կառավարման և ինֆորմատիկայի տնօրեն Ա․ Հարությունյանը, ուսումնական գծով պրոռեկտոր Ս. Հովհաննիսյանը, Կարիերայի կենտրոնի ղեկավար և ՄԿԾ աշխատանքային խմբերի ղեկավար Ն. Հովսեփյանը, ինստիտուտի դասավանդողներ, ուսանողներ, ինչպես նաև պրոռեկտոր Հ․ Կաժոյանը, համալսարանի զարգացման և որակի ապահովման համակարգող Մ. Հովհաննիսյանը ու մշտադիտարկման և գնահատման պատասխանատու ուսանողուհի Ե․ Հովհաննիսյանը։ Մասնակիցները քննարկեցին և ամփոփեցին իրենց նախօրոք տրված անհատական գնահատականներն՝ ըստ չափորոշիչների։ Մասնակիցների առաջարկություններից էին՝ կազմակերպել քննարկումներ ուսանողների շրջանում, կնքել պրակտիկայի կայուն և երկարաժամկետ պայմանագրեր գործատուների հետ, ատկիվացնել ուսումնաօժանդակ կառույցների աշխատանքը, խստացնել ընդունելությունը և աջակցել դասավանդողների զարգացմանը, փորձի փոխանակություն այլ բուհերի դասավանդողների և վարչական աշխատակիցների հետ, թարմացնել կայքը ու Ֆեյսբուքի էջը, մշակել հետազոտությունների խրախուսման մոտեցումներ, կնքել ծառայությունների մատուցման պայմանագրեր համայնքապետարանի հետ և այլն։
Քննարկվեցին նաև համալսարանի զարգացման և որակի ապահովման գործընթացներում ժամավճարով դասավանդողների և արտաքին շահակիցների ներգրավումը, մոտիվացիան և իրենց աշխատանքի արժևորումը։
Ինքնագնահատման տարեկան կենսափուլի նպատակն է բացահայտել ուժեղ և թույլ կողմերը և իրականացնել փոփոխություններ։
ԵՀՀ որակի ապահովման տարեկան ինքնագնահատում Հետազոտությունների ռեսուրս կենտրոնում
10-17.05.2023
ԵՀՀ որակի ապահովման տարեկան ինքնագնահատում Հետազոտությունների ռեսուրս կենտրոնում
Մայիսի 10-ին և 17-ին տեղի ունեցավ կրթության որակի գնահատման քննարկում, որին մասնակցեցին Հետազոտությունների ռեսուրս կենտրոնի տնօրեն Մ․ Մաթոսյանը, «Ռոսլին» արվեստի և հումանիտար գիտությունների ակադեմիայի գիտության գծով տնօրենի տեղակալ Մ․ Բալոյանը, Ուսանողական գիտական ընկերության ներկայացուցիչներ, ինչպես նաև պրոռեկտոր Հ․ Կաժոյանը, համալսարանի զարգացման և որակի ապահովման համակարգող Մ. Հովհաննիսյանը ու մշտադիտարկման և գնահատման պատասխանատու ուսանողուհի Ե․ Հովհաննիսյանը։ Մասնակիցները քննարկեցին և ամփոփեցին իրենց անհատական գնահատականներն՝ ըստ չափորոշիչների։ Նրանք առաջարկեցին ավելացնել դասալսումների քանակն ըստ ինստիտուտների ուսանողների թվի, ստեղծել որակի պատասխանատուների հաստիք, ուշադրություն դարձնել Ռոսլին-ի ՄԿԾ-ներում ուսանողների ներգրավվածությանը, Բժշկական ինստիտուտի դասաժամերից առցանց դասերը հնարավորինս փոխարինել լսարանային դասերով, ստեղծել հետազոտությունների մասնակիցների անձնական տեղեկության պաշտպանության կանոնակարգ և այլն։
Ինքնագնահատման տարեկան կենսափուլի նպատակն է բացահայտել ուժեղ և թույլ կողմերը և իրականացնել փոփոխություններ։
