2026թ. գիտահետազոտական դրամաշնորհների մրցույթ 

Հետամուտ լինելով իր տեսլականին՝ Երևանի «Հայբուսակ» համալսարանը ձգտում է դառնալ առաջատար գիտակրթական կենտրոն, որի հետազոտական արդյունքները միտված են հանրային բարգավաճմանը և սոցիալական խնդիրների լուծմանը: 

«ԵՀՀ 2030» ռազմավարության իրականացման շրջանակներում համալսարանը հայտարարում է ներհամալսարանական դրամաշնորհային մրցույթ հետևյալ ուղղություններով.  

• բժշկագիտություն,  

• բնական գիտություններ,  

• տնտեսագիտություն,  

• հասարակագիտություն և հումանիտար գիտություններ։ 

Մրցույթի հիմնական նպատակն է մշակել արդի մարտահրավերների հաղթահարմանն ուղղված գիտական և գործնական նորարարական լուծումներ՝ խթանելով միջառարկայական (միջդիսցիպլինար) հետազոտությունները և տարբեր ոլորտների մասնագետների համագործակցությունը: 

Ակնկալվող արդյունքներն են՝ խնդիրների լուծման նոր մոտեցումների, մեթոդական ձեռնարկների և կիրառական առաջարկների փաթեթների ստեղծում, գիտական հրապարակումներ բարձր ազդեցության գործակից (Impact Factor) ունեցող և միջազգային հեղինակավոր ամսագրերում, մասնակցություն միջազգային գիտաժողովներին և համատեղ հետազոտական ցանցերի ձևավորում: 

Հայտերի ներկայացման վերջնաժամկետը 2026 թ. մարտի 9-ն է: 

Մանրամասն պայմաններին և դիմելու կարգին կարող եք ծանոթանալ հետևյալ հղումով՝ https://haybusak.am/wp-content/uploads/2024/12/YHU_Research_grant_final.pdf 

Հարցերի դեպքում և հավելյալ տեղեկություններ ստանալու համար գրեք science@haybusak.am էլեկտրոնային հասցեին։