Վերջին թարմացում՝ 12.11.2026
Երևանի «Հայբուսակ» համալսարանը (այսուհետ՝ Համալսարան) կարևորում է haybusak.am կայքի (այսուհետ՝ Կայք) այցելուների անձնական տվյալների պաշտպանությունը։ Սույն քաղաքականությունը բացատրում է, թե ինչ տվյալներ ենք հավաքում, ինչ նպատակով և ինչպես կարող եք կառավարել դրանք։ Տվյալները մշակվում են ՀՀ «Անձնական տվյալների պաշտպանության մասին» օրենքին համապատասխան։
1. Տվյալները մշակող
Երևանի «Հայբուսակ» համալսարան
Հասցե՝ ՀՀ, ք. Երևան 0038, Աբելյան 6
Էլ. փոստ՝ info@haybusak.am
Հեռախոս՝ +374 10 396161
2. Ինչ տվյալներ ենք հավաքում
- Ձևերում Ձեր լրացրած տվյալները՝ անուն, ազգանուն, էլեկտրոնային փոստի հասցե, հեռախոսահամար (օրինակ՝ «Օնլայն դիմում» ձևում)։
- Այցի աղբյուրը՝ որտեղից եք եկել Կայք (որոնողական համակարգ, գովազդային կամ այլ կայքի հղում, սոցիալական ցանց)։ Այն ձևի հետ ուղարկվում է ավտոմատ։
- Տեխնիկական տվյալներ՝ IP հասցե, սարքի և դիտարկիչի տեսակ, դիտված էջեր, այցի ժամանակը և Կայքում կատարված գործողությունները (քլիքներ, էջի ոլորում)։ Դրանք հավաքում են վերլուծական ծառայությունները (տե՛ս բաժին 5)։
Մենք չենք խնդրում և չենք մշակում հատուկ կատեգորիայի տվյալներ (առողջական վիճակ, կրոնական կամ քաղաքական հայացքներ և այլն)։
3. Ինչ նպատակով
- պատասխանել Ձեր դիմումին կամ հարցմանը, խորհրդատվություն տրամադրել ընդունելության և ուսման պայմանների վերաբերյալ,
- վերլուծել Կայքի այցելությունները և բարելավել Կայքը,
- պաշտպանել Կայքը սպամից և չարաշահումներից։
Ձեր տվյալները չենք վաճառում և չենք օգտագործում այստեղ չնշված նպատակներով։
4. Մշակման հիմքը
Ձևը լրացնելով և ուղարկելով՝ Դուք համաձայնություն եք տալիս Ձեր տվյալների մշակմանը սույն քաղաքականությամբ նախատեսված նպատակներով։ Համաձայնությունը կարող եք ցանկացած պահի հետ կանչել՝ գրելով info@haybusak.am հասցեին։
Եթե Դուք 16 տարեկանից փոքր եք, ձևը լրացրեք ծնողի կամ օրինական ներկայացուցչի համաձայնությամբ։
5. Թխուկներ (cookies) և վերլուծական ծառայություններ
Կայքն օգտագործում է թխուկներ և դիտարկիչի պահոց (localStorage)՝
| Անվանում | Ով է տեղադրում | Նպատակ | Ժամկետ |
|---|---|---|---|
| wp-wpml_current_language | Կայք | հիշել ընտրված լեզուն | մինչև 1 օր |
| hb_source (localStorage) | Կայք | հիշել այցի աղբյուրը՝ ձևի հետ ուղարկելու համար | 30 օր |
| _ga, _ga_* | Google Analytics | այցելությունների վիճակագրություն | մինչև 2 տարի |
| _ym_uid, _ym_d, _ym_isad, _ym_visorc և այլն | Յանդեքս Մետրիկա | այցելությունների վիճակագրություն, քլիքների քարտեզ, Վեբվիզոր | մինչև 1 տարի |
Վերլուծական ծառայությունները՝ Google Analytics-ը և Յանդեքս Մետրիկան, միացված են Google Tag Manager-ի միջոցով։ Յանդեքս Մետրիկայի Վեբվիզորը գրանցում է էջում կատարված գործողությունները (մկնիկի շարժը, քլիքները, ոլորումը)՝ Կայքի հարմարավետությունը գնահատելու համար։
Թխուկները կարող եք ջնջել կամ արգելափակել դիտարկչի կարգավորումներում։ Կայքը կշարունակի աշխատել, սակայն լեզվի ընտրությունը կարող է չպահպանվել։ Վերլուծությունից կարող եք հրաժարվել նաև Google Analytics-ի և Յանդեքս Մետրիկայի հատուկ հավելումներով։
6. Ում ենք փոխանցում տվյալները
Ձևերով ուղարկված տվյալներին հասանելիություն ունեն միայն Համալսարանի պատասխանատու աշխատակիցները։ Կայքի աշխատանքի համար օգտվում ենք հետևյալ ծառայություններից, որոնք կարող են մշակել տվյալները ՀՀ սահմաններից դուրս՝
- Bluehost (ԱՄՆ)՝ Կայքի հոստինգ. ձևերով ուղարկված դիմումները պահվում են Կայքի տվյալների բազայում,
- Google՝ Google Analytics, Google Tag Manager և դիմումների մասին ծանուցումների էլեկտրոնային փոստ,
- Yandex՝ Յանդեքս Մետրիկա։
Պետական մարմիններին տվյալները կարող են տրամադրվել միայն օրենքով սահմանված դեպքերում և կարգով։
7. Պահպանման ժամկետ
Դիմումների և հարցումների տվյալները պահում ենք այնքան, որքան անհրաժեշտ է դրանց պատասխանելու և ընդունելության գործընթացի համար, բայց ոչ ավելի, քան 2 տարի, որից հետո դրանք ոչնչացվում են։ Վերլուծական ծառայությունների տվյալները պահվում են այդ ծառայությունների կարգավորումներով սահմանված ժամկետում։
8. Ձեր իրավունքները
Դուք իրավունք ունեք՝
- իմանալ, թե Ձեր որ տվյալներն ենք մշակում, և ստանալ դրանց պատճենը,
- պահանջել ուղղել, արգելափակել կամ ոչնչացնել Ձեր տվյալները,
- հետ կանչել մշակման համաձայնությունը։
Դիմելու համար գրեք info@haybusak.am հասցեին. կպատասխանենք օրենքով սահմանված ժամկետում։ Եթե կարծում եք, որ Ձեր իրավունքները խախտվել են, կարող եք դիմել ՀՀ արդարադատության նախարարության Անձնական տվյալների պաշտպանության գործակալությանը։
9. Տվյալների անվտանգություն
Կայքն աշխատում է HTTPS պաշտպանված արձանագրությամբ, ձևերը պաշտպանված են ավտոմատ սպամից, իսկ տվյալների բազայի հասանելիությունը սահմանափակված է։
10. Փոփոխություններ
Քաղաքականությունը կարող է թարմացվել։ Արդի տարբերակը միշտ հասանելի է այս էջում, վերջին թարմացման ամսաթիվը նշված է վերևում։ Տե՛ս նաև Կայքի օգտագործման պայմանները։