Միջազգային կապերի բաժին
Ընդհանուր տեղեկություններ
Վերջին տասնամյակում ԵՀՀ-ն աստիճանաբար դարձել է միջազգային համալսարան՝ Հայաստանում օտարերկրյա ուսանողների ամենաբարձր տեսակարար կշռով (53%), միջազգային գիտաժողովներով և ընդլայնվող արտասահմանյան կապերով։ Այսօր «Հայբուսակ»-ում սովորում և դասավանդում են տարբեր մշակութային միջավայրերից եկած ուսանողներ և դասախոսներ։
ԵՀՀ-ն ավարտել են ավելի քան 30 երկրների ուսանողներ, և վերջին տասնամյակում այդ միտումը կայուն աճում է։ Օտարերկրյա ուսանողների թվով ԵՀՀ-ն Հայաստանի առաջատար բուհերից է։
ԵՀՀ-ն զգալի առաջընթաց է գրանցել անգլերենով կրթական ծրագրերի առաջարկման հարցում։ Դրանք կազմում են բոլոր ծրագրերի մեկ երրորդը։ Օտարերկրյա համալսարաններում որոշակի ժամանակահատվածում ուսանելիս վաստակած կրեդիտները ԵՀՀ-ում ամբողջությամբ ճանաչվում են։
Միջազգայնացման ռազմավարություն
ԵՀՀ-ի միջազգայնացման ռազմավարության գլխավոր նպատակն է բարձրացնել ուսուցման, դասավանդման և հետազոտությունների որակը և խթանել քաղաքացիական պատասխանատվությունը ԵՀՀ ուսանողների և աշխատակիցների շրջանում։ Մասնավորապես, այս ռազմավարությամբ ԵՀՀ-ն նպատակ ունի՝
ներգրավել տաղանդավոր ուսանողների և ճանաչված օտարերկրյա դասախոսների՝ ուսանողական կազմի բազմազանությունն ընդլայնելու և նրանց մշակութային ու կրթական փորձը հարստացնելու համար,
ամրապնդել համալսարանի դիրքերը և բարձրացնել նրա միջազգային ճանաչելիությունն ու հեղինակությունը։
Միջազգայնացման ռազմավարության ենթանպատակներն են միջազգային շարժունության ծրագրերի իրականացումը, ԵՀՀ-ի միջազգային կապերի ընդլայնումը և արտաքին շահակիցների ներգրավվածության մեծացումը։
Միջազգային նախագծեր
«Սիմուլյացիան բուհական բժշկական կրթության մեջ՝ պացիենտի խնամքի անվտանգության և որակի բարելավման համար» (SAFEMED+) նախագիծն ուղղված է Վրաստանում, Հայաստանում և Ուկրաինայում բուհական բժշկական կրթության կարևոր խնդիրների լուծմանը, որոնց արմատները հասնում են Խորհրդային Միության փլուզմանն ու խորհրդային կրթական համակարգի կազմալուծմանը։ SAFEMED+-ի ընդհանուր նպատակն է բարձրացնել բժշկական կրթության որակը՝ ուսումնական ծրագրերում ներդնելով բժշկական սիմուլյացիայի մեթոդներ։
Չնայած գործընկեր երկրների առաջադիմական քայլերին՝ արևմտյան արժեքների որդեգրման և կրթական համակարգերում արդի միտումների ներդրման ուղղությամբ, բուհական բժշկական կրթությունը, մասնավորապես ապագա բժշկական մասնագետների գործնական պատրաստվածությունը, տարածաշրջանային մակարդակում դեռևս մնում է թույլ օղակ։
SAFEMED+-ի հիմնական ազդեցությունը պացիենտի խնամքի անվտանգության և որակի բարձրացումն է՝ կլինիկական հմտությունների սիմուլյացիոն ուսուցման խթանման միջոցով, որը ներդրվում է ուսանողների համար կոմպետենցիաների վրա հիմնված բժշկական կրթության ուսումնական ծրագրում։
Անձնակազմ
Դավիթ Մամյան
- international@haybusak.am
- Փաստաթղթեր
PDF, 484 ԿԲ, անգլերեն
- Միջազգային գործընկերներ
- Superior Institute of M. Teixeira Gomes
Պորտիմաու, Պորտուգալիա
- Institute of Education and Science
Լիսաբոն, Պորտուգալիա
- Egas Moniz School of Health and Science
Ալմադա, Պորտուգալիա