Հետազոտությունների ռեսուրս կենտրոն
ԵՐԵՎԱՆԻ ՀԱՅԲՈՒՍԱԿ ՀԱՄԱԼՍԱՐԱՆԻ ԳՐԱԴԱՐԱՆ
Հետազոտությունների ռեսուրս կենտրոնը (ՀՌԿ) Երևանի Հայբուսակ համալսարանի կառուցվածքային ստորաբաժանումն է, որը նպաստում է համալսարանի գիտահետազոտական գործունեության զարգացմանը, գիտական ներուժի արդյունավետ օգտագործմանը և ստեղծարար ու ներառական հետազոտական մշակույթի ձևավորմանը։
Կենտրոնը համակարգում և խթանում է գիտական, գիտահետազոտական, գիտամեթոդական ու փորձագիտական աշխատանքները՝ նպաստելով բազմամասնագիտական, մրցունակ հետազոտությունների իրականացմանը, գիտելիքի տարածմանը և հասարակական կյանքի տարբեր ոլորտների բարելավմանն ու առաջընթացին։
Հետազոտական համալսարանների դերը
Ժամանակակից աշխարհում հետազոտական գործունեության զարգացումը համալսարանների առաջնահերթություններից է։ Կրթական գործընթացի անբաժանելի մասը պետք է լինեն գիտական հետազոտությունները, դրանց արդյունքների կիրառումը և գիտելիքի փոխանցումը՝ դասախոսների, ուսանողների և գիտնականների համատեղ ջանքերով։
Այս մոտեցման իրագործմանն է միտված նաև Երևանի Հայբուսակ համալսարանի Հետազոտությունների ռեսուրս կենտրոնի գործունեությունը, որը հիմնադրվել է 2022 թվականի սեպտեմբերին։ Կենտրոնը ձգտում է նպաստել համալսարանի՝ որպես հետազոտական ուղղվածություն ունեցող կրթական հաստատության զարգացմանը՝ խթանելով ակադեմիական համագործակցությունը, գիտական նախաձեռնությունները և հետազոտությունների արդյունավետ կազմակերպումը։
Հետազոտությունների ռեսուրս կենտրոնի հիմնական նպատակները
- Զարգացնել դասախոսների և ուսանողների գիտահետազոտական կարողություններն ու հմտությունները։
- Ստեղծել նպաստավոր պայմաններ և արդյունավետ մեխանիզմներ՝ գիտահետազոտական աշխատանքների ծավալն ավելացնելու և հետազոտական նախագծերում դասախոսների ու ուսանողների ներգրավվածությունն ընդլայնելու համար։
- Նպաստել համալսարանի կառուցվածքային ստորաբաժանումների միջև ակադեմիական համագործակցության զարգացմանն ու ընդլայնմանը։
- Խթանել համալսարանի գիտահետազոտական գործունեության միջազգայնացումը և միջազգային գիտական համագործակցության զարգացումը։
Գործունեության հիմնական ուղղությունները
Կենտրոնը մշակում և ներդնում է իր գործունեությունը կարգավորող մեխանիզմներ, կանոնակարգեր ու ընթացակարգեր՝ գիտահետազոտական աշխատանքների կազմակերպման, մտավոր ներուժի պահպանման և զարգացման համար նպաստավոր պայմաններ ստեղծելու նպատակով։
Կենտրոնի զարգացման հեռանկարներից է նաև խորհրդատվական գործունեության ընդլայնումը՝ գիտահետազոտական արդյունավետ աշխատանքների իրականացման համար մասնագիտական աջակցություն տրամադրելու միջոցով։
Հետազոտությունների ռեսուրս կենտրոնը բաց է ազգային և միջազգային գիտական, գիտահետազոտական, գիտամեթոդական ու փորձագիտական համագործակցության համար՝ նպատակ ունենալով ամրապնդել համալսարանի հետազոտական ներուժը և նպաստել գիտության ու կրթության զարգացմանը։
