Անցնել բովանդակությանը

Բուժական գործ

«Բուժական գործ» կրթական ծրագիրը նպատակաուղղված է բժշկության ոլորտում բարձր որակավորում ունեցող մասնագետների պատրաստմանը։

Ծրագիրն ապահովում է բժշկական գիտելիքների, մասնագիտական հմտությունների և գործնական կարողությունների ձևավորում՝ հնարավորություն տալով շրջանավարտներին հետագա մասնագիտական գործունեությունն իրականացնել ժամանակակից բժշկության ազգային և միջազգային չափանիշներին համապատասխան։

Բուժական գործ

Որակավորումների ազգային շրջանակի մակարդակ

7-րդ մակարդակ՝ դիպլոմավորված մասնագետ

Շնորհվող որակավորում

Բժիշկ

Ուսման տևողությունը

6 տարի (12 կիսամյակ)

Կրեդիտների քանակը

360 ECTS

Ուսուցման ձևը

Առկա

Ուսուցման լեզուները

Հայերեն, ռուսերեն, անգլերեն

Տարեկան ուսման վարձ (2027–2028 ուս. տարի)

ՀՀ քաղաքացիներ՝ 1․000․000֏

Սփյուռք և ԱՊՀ՝ 1․000․000֏ (հայերեն ուսուցմամբ) / 1․400․000֏ (օտար լեզվով ուսուցմամբ)

Օտարերկրյա քաղաքացիներ՝ 2․000․000֏

Կրթական ծրագրի նպատակն ու խնդիրները

Ծրագրի նպատակն է պատրաստել բժշկության ոլորտում բարձր որակավորում ունեցող, մրցունակ և պատասխանատու մասնագետների, որոնք ունեն ժամանակակից առողջապահության պահանջներին համապատասխան մասնագիտական գիտելիքներ, հմտություններ և կարողություններ։

Ծրագրի ավարտին շրջանավարտը՝

  • կտիրապետի բժշկական գործունեության իրականացման համար անհրաժեշտ հիմնարար և մասնագիտական գիտելիքներին ու գործնական հմտություններին,
  • կկարողանա իրականացնել ախտորոշիչ, բուժական և կանխարգելիչ գործունեություն՝ իր մասնագիտական իրավասությունների շրջանակում,
  • կկարողանա արդյունավետ հաղորդակցվել պացիենտների, նրանց ընտանիքների, գործընկերների և առողջապահական այլ մասնագետների հետ,
  • կկարողանա ապահովել պացիենտի անվտանգությունը, պահպանել բժշկական էթիկայի և մասնագիտական վարքագծի սկզբունքները,
  • կկարողանա մասնագիտական գործունեության ընթացքում կիրառել ապացուցահեն բժշկության սկզբունքները և հիմնավորել մասնագիտական որոշումները,
  • պատրաստ կլինի շարունակելու մասնագիտական և ակադեմիական կրթությունը, իրականացնելու ինքնակրթություն և ապահովելու շարունակական մասնագիտական զարգացումը,
  • կկարողանա կիրառել քննադատական և վերլուծական մտածողություն, ստեղծել նոր գաղափարներ և լուծումներ առաջարկել բարդ ու ոչ ստանդարտ մասնագիտական իրավիճակներում,
  • կգիտակցի բժշկի մասնագիտության սոցիալական նշանակությունը և իր մասնագիտական գործունեության նկատմամբ կդրսևորի բարձր պատասխանատվություն,
  • կկարողանա աշխատել բազմամասնագիտական թիմում՝ հարգելով տարբեր սոցիալական խմբերի, մշակույթների և աշխարհայացքների առանձնահատկությունները,
  • կգիտակցի Երևանի «Հայբուսակ» համալսարանի շրջանավարտ լինելու պատասխանատվությունը և կներկայացնի համալսարանը մասնագիտական ու հասարակական միջավայրում։

Ծրագիրը հիմնված է արդյունքահեն կրթության սկզբունքների վրա և ներառում է բժշկական հիմնական կրթության համար նախատեսված առանցքային ուղղությունները՝ կենսաբժշկական գիտություններ, կլինիկական գիտություններ և հմտություններ, վարքաբանական և սոցիալական գիտություններ։

Ծրագրի կրեդիտային կառուցվածքը համապատասխանում է Եվրոպական կրեդիտների փոխանցման և կուտակման համակարգի (ECTS) սկզբունքներին, իսկ ծրագիրը դասակարգված է Որակավորումների ազգային շրջանակի 7-րդ մակարդակում։

Աշխատանքի հնարավորություններ

Կրթական ծրագիրն ավարտելուց հետո շրջանավարտը կարող է ներգրավվել առողջապահության ոլորտի տարբեր կառավարչական, վարչական, կազմակերպչական և օժանդակ մասնագիտական գործունեություններում՝ գործող օրենսդրությամբ սահմանված իրավասությունների շրջանակում։

Բժշկական ինքնուրույն գործունեություն, այդ թվում՝ ախտորոշիչ, բուժական և կանխարգելիչ ծառայությունների իրականացում, հնարավոր է համապատասխան հետբուհական մասնագիտական կրթություն՝ ինտերնատուրա կամ կլինիկական օրդինատուրա, տվյալ մասնագիտությամբ ավարտելուց և գործող կարգավորումների պահանջները կատարելուց հետո։

Շրջանավարտը կարող է նաև շարունակել գործունեությունը կրթության ոլորտում՝ համապատասխան պահանջների պահպանմամբ։

Կրթական և հետազոտական լաբորատորիաների առկայությունը նպաստում է ուսանողների գործնական և հետազոտական կարողությունների զարգացմանը։ Ինստիտուտը կարևորում է գիտելիքի կիրառական նշանակությունը և կրթական գործընթացի կապը մասնագիտական ու գիտական գործունեության հետ։

Այսօր «Հայբուսակ» համալսարանում սովորում է ավելի քան 2 500 ուսանող՝ Հայաստանից և աշխարհի ավելի քան 30 երկրներից։
+ 0
Ավելի քան 35 տարվա պատմության ընթացքում համալսարանը կրթել և մասնագիտական ուղի է հարթել ավելի քան 15 000 շրջանավարտների համար
+ 0
Մենք համագործակցում ենք ավելի քան 10 առաջատար կլինիկաների հետ, որտեղ մեր ուսանողները անցնում են մասնագիտական պրակտիկա և ձեռք բերում գործնական փորձ։
+ 0

Միջազգային ուսանողներ

Հետագա կրթության հնարավորություններ

Կրթական ծրագիրն ավարտելուց հետո շրջանավարտը կարող է շարունակել մասնագիտական և ակադեմիական կրթությունը՝

  • ինտերնատուրայում,
  • կլինիկական օրդինատուրայում,
  • ասպիրանտուրայում (PhD),
  • շարունակական մասնագիտական զարգացման և ցկյանս ուսումնառության ծրագրերում։

Ընդունելություն

Ծրագրին կարող են դիմել միջնակարգ, նախնական մասնագիտական կամ միջին մասնագիտական կրթություն ունեցող անձինք։

Ընդունելությունն իրականացվում է Հայաստանի Հանրապետության բարձրագույն ուսումնական հաստատություններ ընդունելության վերաբերյալ ՀՀ կառավարության կողմից հաստատված համապատասխան կարգավորումների և պահանջների համաձայն։

Ինստիտուտը պահպանում է կապը շրջանավարտների հետ և հետաքրքրված է նրանց մասնագիտական առաջընթացով։ Շրջանավարտների մասնագիտական փորձն ու հետադարձ կապը կարող են օգտագործվել կրթական ծրագրերի և մասնագիտական պատրաստվածության շարունակական բարելավման նպատակով։

Անձնակազմ

Ալի Շմյար

Ալի Շամյար

Ընտանեկան բժիշկ, դասախոս

Բժշկության դոկտոր (MD)

Իրենա Հովսեփյան

Իրենա Հովսեփյան

Ներքին հիվանդությունների ամբիոնի վարիչ, ներքին հիվանդությունների պրոպեդևտիկայի ամբիոնի վարիչ, սիմուլյացիոն կենտրոնի ղեկավար

Բժշկական գիտությունների թեկնածու, դոցենտ

Սոհեյլ Բեյթոլլահալաքբար

Սոհեյլ Բեյթոլլահալաքբար

Պլաստիկ վիրաբույժ, մազերի փոխպատվաստման վիրաբույժ

Բժիշկ (MD), պլաստիկ վիրաբուժության մագիստրոս

Սիմուլյացիոն Կենտրոն
Ավելին
Ատամնաբուժական Կլինիկա
Ավելին
Բժշկական ինստիտուտ · 2027–2028 ուս. տարի
ՖակուլտետներՕտարերկրյա ուսանողներՍփյուռքի և ԱՊՀ ուսանողներՀՀ քաղաքացի ուսանողներ

Բուժական գործ

2․000․000֏

1․000․000֏ — հայերեն ուսուցմամբ

1․400․000֏ — օտար լեզվով ուսուցմամբ

1․000․000֏

Ստոմատոլոգիա

2․000․000֏

1․000․000֏ — հայերեն ուսուցմամբ

1․400․000֏ — օտար լեզվով ուսուցմամբ

1․000․000֏

 Դեղագործություն

2․000․000֏

750․000֏ — հայերեն ուսուցմամբ

1․200․000֏ — օտար լեզվով ուսուցմամբ

550․000֏

Բնօգտագործում և

բնապահպանություն

2․000․000֏

750․000֏

750․000֏

Բժշկական ինստիտուտի Ֆակուլտետներ

Հաճախ տրվող հարցեր - Հայ դիմորդների համար

2027–2028 ուսումնական տարվա տարեկան վարձը ՀՀ քաղաքացիների համար՝

  • Բուժական գործ՝ 1 000 000 ՀՀ դրամ
  • Ստոմատոլոգիա՝ 1 000 000 ՀՀ դրամ
  • Դեղագործություն՝ 550 000 ՀՀ դրամ
  • Բնօգտագործում և բնապահպանություն՝ 750 000 ՀՀ դրամ

Սփյուռքի, ԱՊՀ և օտարերկրյա ուսանողների վարձերը՝ «Ուսման վարձ» էջում։

  • Բուժական գործ մասնագիտության ուսման տևողությունը 6 տարի է։

  • Ստոմատոլոգիա մասնագիտության ուսման տևողությունը 5 տարի է։

  • Ֆարմացիա (բակալավրիատ) կրթական ծրագրի ուսման տևողությունը 4 տարի է։

  • Ֆարմացիա (մագիստրատուրա) կրթական ծրագրի ուսման տևողությունը 1 տարի է։

Հաճախ տրվող հարցեր - Արտասահմանյան դիմորդների համար

Ընդունելությունը կատարվում է համաձայն կառավարության 700Ն հրամանի, որտեղ նշված
է անհրաժեշտ փաստաթղթերի ցանկը

Ընդունելությունը սկսվում է հունիս- հուլիս ամիսներին և շարունակվում է մինչև
սեպտեմբեր- հոկտեմբեր՝ կախված ԿԳՍՄ նախարարության կողմից սահմանված ժամկետի

Կարելի է գրել info@haybusak.am էլ․հասցեին կամ զանգահարել 010 39 61 61 հեռախոսահամարով։ 

Այցելեք ՀՀ արտաքին գործերի նախարարության պաշտոնական կայք՝ mfa.am, և ստուգեք, թե որ երկրների ցանկում է ընդգրկված Ձեր երկիրը և ինչ կարգով կարող եք ստանալ ՀՀ մուտքի արտոնագիր։

Եթե Ձեր երկրի քաղաքացիների մուտքը հնարավոր է միայն ՀՀ ԱԳՆ-ի կողմից հրավերի հաստատման միջոցով, անհրաժեշտ փաստաթղթերի փաթեթն ուղարկեք info@haybusak.am էլեկտրոնային հասցեին և հետևեք հետագա հրահանգներին։

Հնդկաստանի քաղաքացիների համար ՀՀ մուտքի արտոնագիր ստանալու համար հասանելի է էլեկտրոնային վիզայի տարբերակը։ Դիմելիս անհրաժեշտ է կցել համալսարանի կողմից տրամադրված պայմանական ընդունելության նամակը։

Դիմումների ընդունման ժամկետները՝

  • Առաջին կիսամյակի համար՝ օգոստոսի 15-ից սեպտեմբերի 14-ը։
  • Երկրորդ կիսամյակի համար՝ մինչև փետրվարի 10-ը։